 |
 |
Como xa sabes, as XOCIVIGA’2001
están en marcha e nós queremos que sexan unha auténtica festa un ano máis.
E a celebración que temos pensada vai parella ó bo número de traballos en
curtametraxe incluidos nesta programación, tanto en cine coma en vídeo.
O que se pretende é xuntar a unha morea de xente que empeza a dar os seus
primeiros pasos nesto do cine e intercambiar impresións, coñecer outros
xeitos de contar historias, ...
POLBOMETRAXE: Para elo argallamos un
xantar o sábado 28 de xullo, onde o
prato estrela é o “polbo á feira” (símbolo destas latitudes) e o postre
será a base de cine e vídeo. Ou sexa, despois de xantar pasaranse tódalas
obras programadas e cada un fará unha presentación da súa.
Quedas convidad@, esperámoste ás 12:00 horas enfrente
da Casa do Concello.
Unha aperta.
Manuel Nanín e Patxi Baranda > membros do
cine clube Carballiño. |
|